( 1 )
kaun is
raah se guzartaa hai
dil yuuN hii intizaar kartaa hai
dekh kar bhii na dekhne
vaale
dil tujhe dekh dekh
Dartaa hai
shah’r-e-gul meN gayii
hai saarii raat
dekhiye din kahaaN
guzartaa hai
dhyaan kii siiRhiyoN pe
picchle pahar
ko’ii chupke se paaNv
dhartaa hai
dil to meraa udaas hai
“Nasir”
shah’r kyuuN saaeN
saaeN kartaa hai
( 2 )
‘Nasir’ kya kehta
phirta he kuch na suno to behtar he
diwana he diwane k mun
na lago to behtar he
kal jo tha wo aj nahi
jo aj he kal mit jayega
rukhi-sukhi jo mil jaye
shukar karo to behtar he..
kal ye tab-o-tawan na
rahegi thanda ho jayega lahu
nam-e-Khuda ho jawan
abhi kuch kar guzro to behtar he
kya jane kya rut badle
halat k koi thek nahi
ab k safar main tum bhi
hamare sath chalo to behtar he,
kapre badal kar bal
bana kar kahan chale ho kis k liye
rat bahut kali hai
‘Nasir’ ghar main raho to behtar he..
( 3 )
aj to be-sabab udas hai
ji
ishq hota to koi bat
bhi thi
jalta phirta hun kyun
do-pahron main
jane kya chiz kho gai
meri
wahin phirta hun main
bhi khak ba-sar
is bhare shahar main
hai ek gali
chupta phirta hai ishq
duniya se
phailti ja rahi hai
ruswai
hamnashin kya kahun k
wo kya hai
chor ye bat nind urane
lagi
aj to wo bhi kuch
khamosh sa tha
main ne bhi us se koi
bat na ki
ek dam us k hath chum
liye
ye mujhe baithe baithe
kya sujhi
tu jo itna udas hai
‘Nasir’
tujhe kya ho gaya bata
to sahi
( 4 )
Jab raat gaye tiri yaad
aayii, sau tareh se jii ko behlaayaa
kabhii apne hii dil se
baateN kiiN, kabhii terii yaad ko samjhaayaa
yuuNhii vaqt gaNvaaya
motii saa, yuuNhii umr gaNvaayii sone sii,
sach kehte ho tum bhii
ham suKhanoN, is ishq meiN ham ne kyaa paayaa?
jab pehl-e-pehl tujhe
dekhaa thaa, dil kitne zor se dhaRkaa thaa
vo lehr na dil meiN
phir jaagii, voh vaqt na lauT ke phir aayaa
phir aaj tire darvaaze
par, baRii der ke baad gayaa thaa magar,
ek baat achaanak yaad
aayii, maiN baahar hii se lauT aaya…
( 5 )
Naz e beganagi main kya
kuch tha,
Husn ki sadgi main kya
kuch tha,
Lakh rahain theen lakh
jalway thy,
Ehd-e-aawargi main kya
kuch tha,
Ankh khulty hi chup gai
har shay,
Aalam-e-bekhudi main
kya kuch tha,
Yad hain marhalay
muhabbat kay,
haey us bay kli main
kya kuch tha,
Kitny beety dinoon ki
yad aai,
Aaj teri kami main kya
kuch tha,
Kitnay manoos log yad
aaey,
Subha ki chandani main
kya kuch tha,
Rat bhar ham na so
sakay Nasir,
Parda-e-khamshi main
kya kuch tha,
No comments:
Post a Comment